හොල්මන් ගෙදරින් පිටවූ දින සිට ඇරඹුන කතන්දරය
හොල්මන් ගෙදර ගැන මා ලිවූ ලිපිය 3904 දෙනෙකු කියවා තිබුණු අතර එම පිරිසෙන් 3000ක් අපේ ගමේ වැසියන් බවට සැකයක් නැත. ඒ ගැන පුංචි පහේ ආඩම්බරයක්ද මා සිත තුලට කඩා වැදී තිබේ. නව තාක්ෂණය අපේ ගමේ අය විසින් කොපමණ වැළඳගෙන ඇද්ද යන්නට එය හොඳ සාක්කියක් නොවේද?
අපේ ඉංගිරිසි ඉස්කෝලේ හෙවත් MAHAGAMA ENGLISH SCHOOL හොල්මන් ගෙදරින් ඉවත් කර ගෙන මා පැමිණියේ පොලේගොඩ පාර අද්දර තිබෙන ගොඩනැගිල්ලකටයි. හරියටම කියතොත් මහගම ස්ටෝර්ස් පසුකොට මහගම තෙල් පිරවුම් හල දෙසට මීටර් 100ක් ගිය විට දකුණු පස තිබෙන ගොඩ නැගිල්ලේ බිම් මහලටයි .එතැන් සුන්දර ස්ථානයක් එක පසකින් දකින්නට ලැබෙන්නේ ලස්සන තේ වත්තක් .හැම විටකම වගේ හමන මද සුළඟ විසින් ගොඩනැගිල්ල A C කර තිබෙනවා. මා මේ දිනවල ඉංග්‍රීසි පාසැල තුළ ඉංග්‍රීසි පරිසරයක් ගොඩ නගමින් ඉන්නේ . එය හේතුව ළමුන් හොඳින් සහ කැමැත්තෙන් ඉංග්‍රීසි ඉගෙන ගන්නේ ඉංග්‍රීසි පරිසරයක් තුළ නිසයි.
ලබන මාසේ ( 2016 දෙසැම්බර් මස) පළමුදා සිට වඩාත් කැමැත්තෙන් ඉංග්‍රීසි ඉගනීමට ළමුන් ඉගනීමට පෙළඹ වීම සඳහා නව වැඩ පිළිවෙලක් ක්‍රියාත්මක කිරීමට සුදානම් කොට තිබෙනවා. එක් අංගයක් වන්නේ පළමු ශ්‍රේණියේ සිටම සැම සිසුවෙකුටම ඉංග්‍රීසි කතා කිරීමට පුහුණු කිරීමයි .තවත් වැදගත් පියවරක් වන්නේ සිසුන් අතර ඉංග්‍රීසි භාෂා තරඟ සතිපතා පවත්වා තෙමසකට වරක් තෑගි දීමටත් වසරකට වරක් සහතික පත් ප්‍රදානය කිරීමයි .
මගේ ප්‍රධානතම අරමුණ වන්නේ මහගම වත්මන් පරපුර ඉංග්‍රීසි කතා කළ හැකි පිරිසක් බවට පත් කිරීමයි.
No comments:
Post a Comment